Tour de Suisse

Tour de Suisse
Logo
Uusdragigsland	Schweiz Schwiz
Uusdragigszytruum	Juni
Ränntyp	Etapperänne
Erschti Uflag	1933
Erschte Siiger	Flagge Österreichs Max Bulla
Rekordsiiger	Flagge Italiens Pasquale Fornara (4 Siig)

D Tour de Suisse isch di grescht Radrundfahrt in dr Schwyz. Si findet alljohr Mitti Juni statt un giltet as wichtigschts Etapperänne im Radsport no dr „Große Drej“ Tour de France, Giro d'Italia un Vuelta a España. D Rundfahrt ghert zue dr anne 2005 nej yygfierte UCI ProTour, dr Serie vu dr wichtigschte Radränne im Johr.

Si isch unterdeilt in zeh bis zwelf Etappe, dodrunter zmeischt e Prolog, e baar Bärgetappe un e Zytfahre. D Tour de Suisse wird vu vile Fahrer gfahre as letschti Vorbereitig uf d Tour de France, wu draditionäll zwo Wuche speter aafangt. Zuegloo sin Mannschafte vu dr 1. un dr 2. Kategorii. Dr Erscht in dr Gsamtwärtig drait s "Guldi Trikot".

Di erscht Tour de Suisse isch vum 28. Augschte bis zum 2. Septämber 1933 uusdrait wore; Siger vu däre Rundfahrt in fimf Etappe isch dr Eschtryycher Max Bulla gsi. Syterhär hän vil beriemti Fahre d Tour de Suisee gwunne. Hinter em viermolige Gsamt- un dodermit Rekordsiger Pasquale Fornara chemme di bede Schwyzer Radrännfahrer vu dr 1950er Johr, dr Ferdy Kübler un de Hugo Koblet, wu si bedi drejmol gwunne hän. Dr Gino Bartali, dr Hennes Junkermann, dr Beat Breu un dr Jan Ullrich hän d Tour alli zweimol gwunne.

Hite wird d Tour de Suisse vu dr Firma IMG uusgrichtet. Dr Diräkter vu dr Tour isch dr ehmolig Schwyzer Radrännfahrer Armin Meier.^[1]

1. ↑ Tour de Suisse.ch: Organigramm. Archiviert vom Original am 8. Juni 2009; abgruefen am 26. Mai 2010.